BUTUAN CITY – Magpabilin matud pa ang legasiya nga gimugna ni Communist Party of the Philippines kon CPP founding chairman Jose Maria ‘Ka Joma’ Sison, bisan pa man sa iyang kamatayon.
Kini ang giklaro sa iyang suod nga higala nga si Bombo international correspondent Michael Garlan direkta gikan sa Austria sa eksklusibong pakighinabi sa Bombo Radyo Butuan.
Sigon ni Garlan, daghan matud pa og mga ka-ubanan si Ka Joma nga nabilin dinhi sa Pilipinas nga mao matud pa’y mas magpakusog pa sa gipakigbisugan niini.
Aminado si Garlan nga dakong kawad-on sa maong partido ang pagkamatay ni Sison tungod kay ang nahimo matud pa niini dihang buhi pa siya, na-contribute man sa rebolusyonaryong Pilipino.
Ginegar usab niini ang pamahayag sa mga tawong dili uyon sa gipakigbisugan ni Ka Joma nga nagpakaharuhay lang kini sa The Netherlands tungod kay gi-asdang matud pa gihapon niini ang kaayuha sa mga migrante dili lang sa mga Filipino apan apil na sa ubang mga nasyunalidad.
