BUTUAN CITY – Laumang mas mapakusgan pa ang pag-promote sa surfing capital sa nasud human ang gi-anunsiyo sa Department of Transportation kon DOTr og Civil Aviation Authority of the Philippines kon CAAP ang mga development projects aron mapalambo og mapalapdan ang Siargao Airport.
Lakip sa proyekto ang pagpalambu sa passenger terminal building, powerhouse, perimeter fence, parking area, administration building, two-bay fire station building, pagpalapad sa airport’s apron, departure area, check-in ug arrival area, ug arrival façade.
Dungan sa groundbreaking sa development projects mao ang blessing sa rehabilitated projects sa Siargao Airport human giguba ni Bagyong ‘Odette’ niadtong Disyembre 2021.
Nakompleto ang subling pagtukod sa airport upat ka bulan human gibagyo. Sa kabahinan ni Siargao Governor Francisco Tinio Matugas, gi-welcomed niini ang kalambuan nga seguradong mag-aghat og daghang torista ugaling hingpit nang makumpleto.
