BUTUAN CITY – Temporaryong gisira karon sa lokal nga kagamhanan sa Barobo, Surigao del Sur ngadto sa mga turista ang Turtle Island base na sa gipagawas nga Executive Order no. 11 series of 2022.
Kini tungod sa pag-formulate pa sa lokal nga kagamhanan og mga safety programs nga maghatag og mas maayong kasinatian sa mga turista sa ila unyang pagbalik sa isla.
Gipahibalo sa lokal nga kagamhanan pinaagi sa ilang municipal tourism officer nga samtang off limits pa ang Turtle Island ngadto sa mga turista, mabisitahan gihapon sa mga turista ang uban pa nilang mga tourism destinations diin siguradong ila usab nga ma-enjoy.
Sa pagkakaron, naglusad na og joint inspection activity sa maong isla ang Community Environment and Natural Resources Office kon CENRO-Lianga, Municipal ENRO-Barobo, Barobo Tourism Office ug kapulisan sa maong lungsod nga maooy basehan sa ila unyang i-formulate nga safety programs nga maoy magprotekta sa mga turista ug wildlife sa nasangpit nga dapit.
Alayon niini, temporaryong gideskurahe una ang island hopping sa nasangpit nga isla samtang nagpadayon pa ang ilang safety measures ug protection programs aron mahatagan og dili malimtan nga mga handumanan ang mga turista.
