BUTUAN CITY – Namintina ni Tyson Fury ang pagka-World Boxing Council kon WBC heavyweight champion human gipahagba sa sixth round si Dillian Whyte atubangan sa 94,000 ka mga fans nga mitna-aw sa Wembley Stadium sa London.
Ang maong ihap, record breaking na isip highest attendance sa usa ka boxing match sa Europe ug pinakadaghan na sa tibuok kalibutan.
Sa maong away, subling nagpakita sa iyang masterclass performance si Fury ibabaw sa ring kansa pamatuod nga siya pa gihapon ang best fighter sa heavyweight division hangtud karon.
Gikan sa first round, makitang outmatched ug outclass ni Fury ang iya ra usab nga kababayan nga gikan sa UK nga mandatory challenger.
Pag-abot sa sixth round, klarong medyo desperado na sa iyang diskarte si Whyte kinsa halatang gikapoy na ug nakalikay sa gibuhiang pamatay-kinomo ni Fury.
Gisundan pa kini sa uppercut ni Fury nga maoy nagpahagba kang Whyte sa lona sa oras nga 2:59. Nakabakod pa si Whyte apan misenyas na ang referee nga ihunong na ang away.
Base sa statistics, mi-igo ang 76 sa 243 ka mga total punches nga gibuhi-an ni Fury, samtang 29 lang sa 171 ang kang Whyte.
Sa pagkaron ang record ni Fury mas mi-angat pa sa 32-0-2, (23KOs) samtang 28-3 (19KOs) usab ang kang Whyte.
