BUTUAN CITY – Padayon karung gipanubayan sa otoridad aron masuta ang ugat-hinungdan sa paghikog sa usa ka pulis sa Hinatuan, Surigao del Sur pinaagi sa pagpusil sa iyang kaugalingon.
Base sa nakuhang impormasyon gikan sa Hinatuan Municipal Police Station, naila ang biktima nga si Police Chief Master Seargent Dativo Canal Malinao, 41- anyos minyo ug nadestino sa maong lungsod.
Nasayran nga on duty matud pa ang biktima sa dihang mipauli sa ilang pinuy-anan kay sugo sa lawas apan nideretso kini sa iang kwarto nga atua sa ikaduhang andana og nadungog nalang sa mga kabanay niini ang lanog sa buto sa armas.
Dali kining gisusi sa mga kabanay og didto nakita ang nagbuy-od nga lawas nga nagkadugo og dunay samad pinusilan sa ulo.
Gisulayan pa kini og dala ngadto sa Hinatuan District Hospital apan gideklarang patay na sa attending physician.
Narekober sa lawak diin nahitabo ang kremin ang usa ka unit sa kalibre .9mm nga pistola kansa service pistol sa biktima, lakip na ang usa ka basyo sa bala og usa ka magazine nga dunay sulod sa 12 ka mga buhing bala sa nasangpit nga klase sa pistola.
