BUTUAN CITY – Mag-atubang og mga kasong paglapas sa Republic Act RA 11032 kon ‘The Ease of Doing Business and Efficient Government Service Delivery Act ug RA 3019 kon mas nailang Anti Red Tape’ ang officer-in-charge kon OIC regional director sa Department of Transportation kon DOTr Caraga human ang malampusong entrapment operation kagahapon .
Nasayrang mukabat sa kinatibuk-ang P50,300 nga cash ang nakuha sa mga sakop sa Criminal Investigation and detection Group kon CIDG-Caraga sa mismong opisina sa suspek nga si Joel Rentoy Consulta, 58 anyus, residente sa dakbayan sa Davao ug retiradong opisyal sa Philippine National Police kinsa duha pa lang ka semanang milingkod isip hepe sa maong buhatan gumikan matud pa sa pagpangilkil sa mga driving schools ug testing centers ning siyudad.
Lakip usab sa nasikop sa operatiba mao ang usa ka Bob Cozy Ilanga kansa sigon sa CIDG, bag-man sa suspect nga taga Davao City usab.
Ang maong operasyon gipahigayon subay na usab sa ubay-ubay nga mga reklamo sa mga driving schools ug mga emission testing centers ning syudad nga gipanapi-an matud pa sa mga suspek.
Nakuha gikan sa walang bulsa ni Bob Cozy Ilanga ang white envelope nga adunay nakasulat nga Shiloh Apra Technical School Incorporated kondiin aduna kini sulod nga 7 ka bouk nga tag P 100 nga nahimutang sa iyang walang bulsa ug laing puti nga envelope nga dunay nakasulat nga Fast Track Driving School nga dunay sulod nga 32 ka tag-P1,000.00 nga cash sa tuo nga bulsa.
