BUTUAN CITY – Mitaas og dyutay ang bed occupancy rate sa mga COVID-19 Related Patients nga na-admit sa Adela Serra Ty Memorial Medical Center (ASTMMC), ang nag-unang pampublikong ospital sa lalawigan sa Surigao del Sur.
Base kini sa pinaka-ulahing taho nga gipagawas sa maong ospital. Nasayran pinaagi sa COVID – 19 Situational Report No. 650, misaka na sa 19 ang mga pasyenteng na–admit karon sa ilang COVID Ward kansa bugti sa 32% nga Bed Occupancy Rate.
Kini human nakatala og unom ka mga bag-ong admission, usa ka recovery, ug usa ka patay ang maong lalawigan.
Samtang sa ilang COVID – 19 Critical Care Unit (CCU), anaa sa siyam ka mga pasyente ang admitted human nadugangan og usa ka bag-ong admission ug duha ka discharged kansa bugtil sa 39% sa Bed Occupancy Rate niini.
Tungod niini, mi-abot na sa 1,055 ang kinatibuk-ang ihap sa mga kumpirmadong kaso sa COVID – 19 ang natala sa maong ospital sukad unang nagsugod ang pandemya.
Sa maong ihap, 880 ang mga nakarekober samtang 120 ang ihap sa mga namatay.
Padayon pang gi-activate sa maong ospital ang ilaang Operation Center, paghimo og RT-PCR swabbing alang sa mga naka-iskedyul nga kliyente uig sa mga admitted patients, ug ang pakig-alayon sa mga local government units higayong duna sila’y ipasa nga mga pasyente padulong sa mga Temporary Treatment and Monitoring Facilities (TTMF) aron didto ipadayon ang isolation ug quarantine protocol.
