BUTUAN CITY- Gidayeg ni DILG Under Secretary Jonathan Malaya ang gihimong mga lakang sa kadumalahan sa lokal nga kagamhanan sa Surigao City alang sa gipahigayong bayanihan bakunahan.
Sumala pa ni Usec. Jonathan Malaya nga mibisita siya sa rehiyon sa Caraga human gi-assign ni DILG Sec Eduardo Año aron monitoron ang national vaccination program sa gobyerno ug seguruhon nga andam ang LGU alang sa maong kalihukan.
Sigon pa ni Malaya, mapasegarbuhon siyang moreport kang DILG Sec. Año nga malampuson ang tulo ka adlaw nga bayanihan bakunahan sa Surigao City ug sa kinatibuk-ang probinsiya sa Surigao del Norte.
Mismong ang opisyal ang nakasaksi sa pagdagsa sa katawhan ngadto sa Surigao City auditorium diin gihimo ang pagpamakuna batuk sa covid 19.
Gipasigarbo usab niini ang gihimo sa LGU Surigao City pagbisita sa mga mobile vaccination teams ngadto sa 21 ka mga island barangays tungod kay maayong estratehiya usab matud pa kini aron mosaka pa ang vaccination rate sa Surigao City.
