BUTUAN CITY- Gidugok sa bagang duot sa katawhan ang pagbisita ni Sen. Manny Pacquiao sa Bislig City, Surigao del Sur kagahapong adlawa.
Makita sa mga hulagway nga halos dili na matagakan og dagom ang kabaga sa mga tao nga migawas sa ilang panimalay aron makita ug i-welcome ang presidential aspirant.
Tungod niini wala na usab natuman ang mga tamdanan pagbatok sa COVID-19 labi na ang physical distancing.
Wala na kontrol sa mga otoridad ang mga tao tungod sa ilang kadasig nga makita ang “people’s champ” sa personal.
Si Pacquiao ang pinaka-unang presidential candidate nga mibisita sa probinsya diin uban niini ang iyang asawa nga si Jingke.
Nasayran, nga karong adlawa Nobyembre 27, gikatakdang mubista ang senador sa Tandag City ug Siargao.
Pagka Nobyembre 28 usab sa Dinagat Islands ug Surigao City samtang sa Nobyembre 29 sa buntag sa San Franz ug Bayugan City ug pag-abot sa hapon mo-dritso sa Cabadbaran City.
Gikatakda usab mubsita si Pacquiao dinhi sa Butuan City karong Nobyembre 30.
