BUTUAN CITY- Gipaniguro sa DepEd Surigao del Norte Division nga mapabiling hugot ang gipatumang mga tamdanan sa mga eskwelahan pagbatok sa COVID-19 human ang ikaduhang adlaw sa malampusong pagpatuman sa pilot limited face-to-face class sa probinsya.
Sa pakighinabi sa Bombo Radyo Butuan, gibutyag ni DepEd Surigao del Norte Superintendent Tess Real nga dako ang natabang sa pag-obserba sa mga tamdanan pagbatok sa virus sa ilang mga pili nga tunghaan ang mga reprsentante sa BHERTs, DOH, Local Government Units (LGUs), magtutudlo hantod na sa mga ginikanan.
Sumala kang Real nahimong “smooth” ang unang duha ka adlaw nga pagtuman sa face-to-face classes sa lima ka National High School sa Surigao del Norte kansa nakab-ot pinaagi sa mga serye sa gihimong dry run nga gisalmotan sa mga hingtungdang ahensya, ginikanan ug mga volunteers.
Sigon niini muabot sa 999 ka mga studyante sa kinatibuk-ang nga anaa sa Senior High School ang naka-enroll sa kasamtangan face-to-face classes sa Surigao del Norte.
Gikan ang mga niini sa lima ka tunghaan sa probinsya nga gilangkuban sa Alegria Stand-Alone Senior High School ug Balite National High School sa lungsod sa Alegria, Lasicam-Perral National High School nga nahimutang sa hilit nga lugar sa lungsod sa Claver. Lakip usab niini ang Lakandula National High School sa lungsod sa Placer ug Cawilan National High School sa Taganaan nga parehong tabokunan og dagat.
Sigon sa opisyal bugtong mga senior high school lamang ang gituutang makasalmot sa pilot face-to-face classes sa ilang probinsya tungod kay mas dali matod pa kining ma-manage.
Gidugang niini mismong ang bag-ong regional Director sa DepEd Caraga Regional Director Ma. Gemma M. Ledesma, ang nagunay usab og obserbar sa subling pagbalik klase sa probinsya.
Gibutyag usab ni Real nga init ang suporatang gihatag sa mga LGUs sa pagbalik klase sa probinsya.
Kamtuoran niini ang pag-provide og bus sa San Francisco, Surigao del Norte sa Balite National High School nga maoy magsundo sa mga estudyante gikan sa ilang pinuy-anan ngadto na sa tunghaan ug paghatud usab kanila sa ilang pagpa-uli.
Gawas niini nagpa-lechon usab ang mayor sa lungsod sa Tagana-an,Surigao del Norte partikular sa Cawilan Natioanl High School nga gibahin-bahin sa 20 ka mga bata alang sa ilang pagpaniudto isip selebrasyon matod pa sa subling pagbalik sa klase sa ilang lugar.
