BUTUAN CITY– Nadiskubre sa mga botanical experTs ang bag-ong specie sa endemic tree didto sa Dinagat Islands ning rehiyon sa Caraga.
Sila Professor Edwino Fernando gikan sa University of the Philippines – Los Baños (UPLB) ug si Dr. Peter Wilson sa Australian Institute of Botanical Science ang nakadiskubre sa bag-ong klase sa endemic tree niadtong 29 October 2021 kansa na-published na sa usa ka artikulo sa journal nga Telopea, ang journal sa Plant Systematics.
Sumala sa mga niini, makita lamang sa Pilipinas labi na sa Mount Redondo, sa Loreto Dinagat Islands ang Tristaniopsis flexuosa usa ka gamay’ng kahoy nga moabot sa tulo ka metros ang gitas-on.
Ginganlan matod pa kini og ‘flexuosa’ tungod kay lahi ug hiwi ang sanga niini ug wala kini nagpakita nga adunay kapareho sa bisan unsang klase nga Philippine species of the genus.
Nasayran nga aduna usab kini samang klase sa puno-an gikan sa Borneo nga naila sa tawag nga Tristaniopsis elliptica.
Gihulagway niini ang gagmay nga mga dahon kansa ka hamis nga aduna’y kolor nga gray ang panit lakip na ang pipila ka tipak aron makita ang red-brown sa ilawom sa panit.
Gipadayag pa usab sa UPLB, nga gibutang na sa UPLB Museum of Natural History (MNH) Forestry Herbarium and Wood Collection ang mga specimen sa bag-ong species sa kahoy.
