BUTUAN CITY- Gi-klaro ni Roselyn Exaure ang tigpamaba sa Cabadbaran City government nga wala pay pinal nga desisyon sa pag lockdown sa maong syudad, hinoon gibutyag na matud pa sa Mayor nga pipila ka adlaw ning semanaha, dunay mga kabag-ohan nga himoon.
Sa eksklusibong pakighinabi sa Bombo Radyo Butuan, gibutyag ni Exaure nga nakurat matud pa sila dihang midagsa na ang kaso karun sa maong syudad kondiin ang ilang active cases miabot na sa 201 kagahapon lang adlawa ug ubay-ubay na usab ang mga namatay tungod sa covid-19.
Sumala niini, dunay ubang kaso nga gibutang sa isolation facility ingun man home quarantine ilabina kung asymptomatic apan ang mag severe cases gibutang gyud sa mga hospital.
Sa maong mga kaso matud pa nga natala sa ilang syudad, dunay uban ang direct contacts.
Dugang pa sa opisyal nga kaniadto pa, gibutyag na sa local head office sa ilang syudad nga posibleng duna na’y variant nga nakasulod sa Cabadbaran human nga gideklara sa DOH-Caraga nga nasudlan na og variants ang rehiyon.
Sa karun, pas-pas matud pa ang pagsaka sa kaso sa covid-19 sa ilang syudad.
Samtang sa hisgutanang bakuna, gipasalamat sa lokal nga kagamhanan sa Cabadbaran tungod kay hapit na nila makatunga ang target nga 70% nga herd immunity human nga nakabakuna na sila og kapin sa 34 mil na o bugti sa 31.1% na.
Gitaho pa ni Exaure nga taliwa nga dunay pipila nga hadlok magpabakuna tungod sa daghan na matud pang natho nga namatay apan padayong ihapon ilang pag-awhag sa mga residente sa maong syudad nga sa maong case, kinahanglan matud pa ng mutug-an og tinood higayon nga magpabakuna aron dili mabutang kakuyaw ang kinabuhi.
Gani niadtong miaging semana matud pa, hurot-hurot ang ilag suplay sa bakuna human nga nalangan ang mga delivery niini hinungdan nga mas gipaningkamotan sa lokal nga kagamhanan sa Cabadbaran nga ma-prayuridad na lang ang mag 2nd dose alang sa mga nahabilin nga stock sa bakuna
