BUTUAN CITY-
Kasamtangan nga naka red-alert karun ang tibook Bureau of Jail Management and Penology kon BJMP CARAGA human nga upat ang patay sa Persons Deprived with Liberty (PDL) dihang nakig-pinusilay sa mga kawani sa BJMP kaganinang buntag human nga nagplano nga mu-eskapo ang anaa sa 11 ka mga piniriso sa Lianga District Jail sa Surigao del Sur.
Sumala pa nga napugngan ang mga piniriso nga maka eskapo human nga nangilog og armas ug nanghostage sa jail guards.
Gilayon usab nga miresponde ang uban pang duty personnel nga miresulta sa pagbinaylu-ay og bala nga maoy hinungdan sa pagkamatay sa upat ka preso samtang usa ka jail guard ang samaron human gidunggab sa usa ka PDL gamit ang usa ka improvised bladed weapon dihang nakig-away kini sa grupo sa PDL nga mu-eskapo.
Gikabutyag nga ang namatay nga PDL gitoohang myembro sa communist terrorist group nga New Peoples Army (NPA) kondiin gikumbinsi ang uban aron himoon ang nasangpit nga pag-ikyas gikan sa bilangu-an.
Gani milungtad og walo ka minuto ang maong insidente.Samtang padayon pa usab nga gihimo ang lalom nga imbestigasyon alayon sa maong panghitabo.
