BUTUAN CITY-Ipa-implementar sugod karung lunes, ang mas gipataas na nga oras sa pagparehistro sa mga botante alang sa umaabot nga 2022 eleksyon.Kini ang gibutyag ni Atty. Samuel Rollo ang election officer sa COMELEC Butuan sa Bombo Radyo Butuan.
Sumala niini, kung kaniadto kutob lang sa alas 5 sa hapon ang pagparehistro, karun gilugawayan na kini sa hangtod alas 7 sa gabii kondiin ipatuman kini nga skedyul hangtod sa katapusan niini nga bulan.
Apan parehas lang matud pa ang adlaw sa pagparehistro nga gikan Lunes hangtod Byernes tungod kay ang Sabado nga adlaw mao ang alang sa mga satellite registration.
Gibutyag usab niini nga karung higayuna, bisan og holidays pabiling abli ang ilang opisina sa gustong magparehistro basta masulod lang sa tukmang weekdays nga skedyul.
Samtang karung umaabot nga lunes kansa mao ang unang adlaw nga ipahigayon ang bag-ong skedyul, gibutyag ni Atty. Rollo nga sirado ang ilang opisina sa maong adlaw tungod kay igahin kini alang sa mga Person’s with Deprived of Liberty kon PDL nga anaa nahimutang sa Bargy Libertad ning syudad aron usab ang mga niini marehistro na alang sa umaabot nga 2022 national ug local elections.
