BUTUAN CITY– Temporaryo unang isuspenso sa Surigao del Norte ang mga biyahe sa mga pasahero sa eroplano ug barko nga maggikan sa Luzon ug Visayas sugod Agosto 11 hantod Agosto 22,2021.
Kini subay sa gipagawas nga Executive Order No. 21-020 Series of 2021 ni Surigao del Norte Governor Francisco “Lalo” Matugas kagahapong adlawa.
Sumala pa gihimo ang maong lakang sa tumong nga malikayan ang posibleng pagsulod sa mas makatakod nga klase sa coronavirus disease ang Delta variants nga kansa ubay-ubay na ang natala labi na sa National Capital Region (NCR).
Tungod niini wala unay turista nga tugutang makasulod sa probinsya sa Surigao del Norte nga maggikan sa Luzon ug Visayas hantod dili kini malibkas.
Lakip usab sa nakalatid sa maong EO ang temporaryo nga pag-dili sa mga face-to-face meetings, trainings, ug seminar sulod sa probinsya.
Ipatuman usab ang pagmuntar og Provincial checkpoints sa tanang points of entry sa maong probinsya.
Madumdumang nagpabilin pang walay natalang kaso sa delta variants ang tibuok Caraga Region.
