BUTUAN CITY – Ang kagustuhan nga mukaon apan wala’y makaon ug wala usa’y muhatag kaniya, ang nag-aghat kang Rodel Tecson, 48-anyos ug residente sa Purok 9, Brgy. Bancasi ning siyudad sa Butuan nga musaka sa Magsaysay Bridge.
Nasayrang pila ka minutong misaka og milatay-latay sa tulay ang lalaking manggunahay adiser kini boluntaryong mikanaog nga siya ra.
Sa eksklusibong pakighinabi sa Bombo Radyo Butuan, gipadayag niining iya na lang nahuna-hunaan nga mas maayo na lang matud pa nga mu-ambak sa tulay tungod sa kawala’y makaon.
Samtang gibutyag sa iyang ka-ipong si Geneva Oclarit nga iya kining gikasab-an tungod kay ang kwartang ipalit unta og bugas, gihurot matud pa og inom. Mipaspas matud pa kini paglakaw hangtud nga naka-abot sa tulay Magsaysay og mikatkat na.
Iya pa kining gikamulo og tawag apan gihapak matud pa siya niini og sako bag.
Nasayrang ang milabay lang nga si Sandro Rivera nga taga-Brgy. Buhangin ang naka-aghat ni Tecson pagkanaog dihang iya lang kining gisultihan nga mamatay kung dili mukanaog.
