BUTUAN CITY – Padayon pang gisuta sa ginsakpan sa Bureau of Fire Protection kon BFP-Butuan ang kinatibuk-ang damyos sa nasunog nga pito ka mga balay kaganinang udto sa may Purok 3, Brgy. AMpayon ning siyudad.
Sa eksklusibong pakighinabi sa Bombo Radyo Butuan, gipadayag ni fire investigator FO3 Ben Sergio Pelletero nga ila pang i-finalize ang ilang report ilabina ang nanag-iya sa maong mga panimalay sa ingon masuta kung asa gikan mi-ulbo ang kalayo.
Sa ilang inisyal nga imbestigasyon, apil sa mga nasunugan sila Charlita Bajao, Diday Mantisa, Alan Nazareno, pamilyang Mancao ug de Castro samtang gisuta pa usab ang uban kanila.
Nadawat matud pa nila ang fire call pasado alas-12:30 kaganinang udto kansa giparespondihan gilayon nila og duha ka mga fire trucks hangtud nga inanay nang nangabot ang ubang mga fire trucks ning siyudad.
Samtang gi-asuy usab sa usa sa mga nasunugan nga si Princess Mantisa nga naduggan niyang duna’y mibuto sa luyo nga bahin sa balay ni Tata Mantisa hangtud nga midilaab na ang kalayo.
Wala matud pa sila’y nakuha nga mga butang tungod kay iyang gi-una og paggawas ang iyang mga apo gikan sa duha niya ka mga anak nga mi-ipon kaniya.
