BUTUAN CITY – Hangtud pa karong Mayo 14, dlaw’ng Biernes ang pagpangdawat sa lokal nga kagamhanan sa Buenavista, Agusan del Norte ug application form alang niadtong mga estudyanteng gustong mu-avail sa ilang scholarship program.
Sa eksklusibong pakighinabi sa Bombo Radyo Butuan, gipadayag ni municipal administrator Elmer Maboloc nga sa pagkakaron, anaa na sa 142 ka mga aplikante ang nakasubmite na sa ilang form samtang kapin na sa 500 ka mga forms usab ang ilang napang-apod apod ngadto sa mga interesadong estudyante.
Human sa deadline sa pagpasa sa ilang mga application forms, duna pa’y himuong pre-assessment sa mga aplikante nga sundan sa duha ka adlaw’ng qualifying examination karong Mayo 22 ug 23.
Nasayrang ang mga mapiling scholars, hatagan og 10-mil pesos nga education assistance kada-semestre.
