BUTUAN CITY – Aduna na’y 27 ka mga bag-ong police lieutenant colonel ang Police Regional Office (PRO)13 base sa gipagawas nga general orders sa Philippine National Police (PNP) National Headquarters.
Sigon ni PRO-13 Director BGen. Romeo Caramat Jr., ang bag-ong na-promoted nga mga police personnel na-assign ngadto sa PRO-13 headquarters, city/provincial police offices, ug mga police stations.
Apil niini sila PMajor Roxanne Quimpan, ang chief of Personnel and Records Management Unit sa Surigao del Sur Police Provincial Office; PMaj Renel Serrano, hepe sa Cabadbaran City Police Station (CPS); PMaj Ephraim Megreno, hepe sa Bislig City Police Station; ug PMaj Elvie Dedicatoria, ang hepe sa Tandag City Police Station.
I-anunsyo ra unya ang eskedyol sa ilang oath-taking and donning of rank insignia tungod kay gisuspende pa ang mga PNP command activities aron mapugngan ang pagkaylap sa COVID-19.
