BUTUAN CITY – Naka-angkon og head injuries ang midaog sa pinakadakong beauty prize sa Sri Lanka human ang inilugay og korona diha mismo sa stage.
Nasayrang gideklarang mananaog si Pushpika De Silva sa “Mrs Sri Lanka 2021” title atol sa seremonya sa national TV niadtong Dominggo. Paglabay sa pipila ang ka gutlo, gi-ilog ni 2019 winner Caroline Jurie ang korona ni De Silva dungan sa pagbutyag nga dili siya ang angayang muhupot sa korona sa rasong divorced siya.
Gitaud gilayon ni Jurie ang korona ngadto sa runner-up, hinungdan sa paghilak ni Mrs De Silva ug mibiya sa stage.
Sa pagkakaron, nabalik na ang korona kang Mrs De Silva, human nakumpirma sa mga pageant organisers nga dili siya divorcee.
Aminado ang national director s Mrs Sri Lanka World nga si Chandimal Jayasinghe sa gihimo ni Mrs Jurie kinsa gikwestyon na sa mga pulis.
