BUTUAN CITY – Mismong si Agusan del Norte Provincial Health Office chief Dr. Odelio Ferrer ang unang healthcare frontliner ning lalawigan nga natupukan sa Sinovac COVID-19 vaccine ning buntaga lang.
Subay kini sa pagsugod na sa vaccination roll out ning lalawigan human nga nadawat na gikan sa Department of Health kon DOH-Caraga ang 378-doses alang sa kinatibuk-ang frontliners ning lalawigan.
Gihimo ang pagtupok sa maong bakuna sa covered court sa provincial capitol kondiin duna pa’y gihimong hamubo nga programa pagpanguna mismo ni Governor Dale Corvera adiser gisunod ang pagtupok sa naka-eskedyol nga tupukang 100 ka mga healthcare frontiners.
Nanghinaut ang gobernador nga unta sa pagsugod na sa vaccination roll out, magsugod na usab ang pagbalik sa tanan sa normal nga kinabuhi dayong awhag sa publiko nga dili gihapon mukumpyansa ug ipabilin ang pagsunod sa minimum health protocols.
