-- ADVERTISEMENT --
BUTUAN CITY – Gihulat sa Bombo Radyo Butuan ang panig ni Surigao del Sur Vice Governor Librado Navarro aron mapasabot kung unsa gyod ang ugat-hinungdan sa mga nagraling katawhan sa gawas nga bahin sa iyang pinuy-anan kaganina.
Kini human nag-trending ang gihimong rali sa katawhan kinsa gustong mabalik kanila ang ila matud pang na-invest nga kwarta.
Bitbit ang mga karatola, gisinggit sa mga nagrali nga i-uli na kanila ang kwartang dugay na matud pang gisaad sa opisyal nga iyang i-uli.
Dismayado ang mga demonstrador tungod kay wala man lama’y bisan usa nga tagbalay ang migawas aron unta ma-settle ang ilang mga reklamo.
-- ADVERTISEMENT --
