BUTUAN CITY – Gihatagan ni Pangulong Rodrigo Duterte og 30-diyas nga ultimatum ang iyang mga hingtungdang cabinet secretaries aron kunsultahon si Surigao del Sur Governor Alexander ‘Ayec’ Pimentel kalabot sa mga damyos nga hatud ni bagyong Auring.
Sa gihimong situation briefing kagahapon sa Tandag City, gibutyag ni Frayan Akbilan, Assistant Regional Director sa Philippine Information Agency PIA-Caraga nga gi-finalize na ang tanang mga gikinahanglang suporta ug assistance ngadto sa mga nabiktima sa kalamidad.
Nakahatag na ang nasudnong kagahamhanan og initial assistance ngadto sa sektor sa agrikultura ug imprrastraktura ama sa trabaho ug panginabuhian sa mga na-apektuhan sa bagyong Auring sa Surigao del Sur.
Kagahapon usab mukabat usab sa 3,658 ka mga benepisyaryo ang nakadawat og tag-3 mil pesos matag-usa nga financial assistance gikan sa nasudnong kagamhanan kansa gipang-apod apod sa mga personahe sa Department of Social Welfare and Development kon DSWD didto sa Tandag City Mega Gymnasium.
