BUTUAN CITY – Subli nang buksan karong adlawa Lunes Nobyembre 23, alang sa mga turista ang surfing capital sa Pilipinas, ang Siargao Island sa lalawigan sa Surigao del Norte.
Alayon niini, hugot gihapong ipatuman sa mga hingtungdang local government units sa isla ang mga minimum health ug safety standards, ingon man COVID-19 testing requirements adiser makasulod sa isla.
Obligado ang mga turista nga magpagkita og e-health pass uban sa valid identification card, certificate gikan sa barangay kapitan nga magpamatuod nga wala sila’y naka-close contact nga COVID-positive person ug aduna’y confirmed booking gikan sa accredited DOT accommodation establishments.
Kinahanglan usab nga magpakita ang mga hotels ug resorts sa mga rekisitos sama sa business permits, certificate of authority to operate gikan sa DOT, e-health system registration, e-health pass kon QR code reader ug new normal protocols nga aprubado sa municipal health office.
Sa karon, lima pa lang ka mga business establishments sulod sa General Luna ang na-isyuhahan na og Certificate of Authority to Operate (CAO) sa ilang Municipal Tourism Office ug 45 and adunay Certificate of Authority to Operate gikan sa Department of Tourism DOT-Caraga.
Magpatuman usab og curfew ang maong isla gikan alas-11 sa gabie padulong alas-4 sa kaadlawon. Nahimong sikat nga destinasyon sa mga turista ang Siargao , tungod sa tag-as niini nga limestone hills, white sands, mystical caves nga adunay crystal formations ingon man tin-aw nga tubig.
Gawas sa surfing, laing sikat nga kalingawan sa Siargao ang island hopping, kayaking, nature trekking, bird-watching, wakeboarding ug leisure swimming. Madumdumang ang Siargao naka-kuha og atensyon gikan sa mga international travel community ning nakalaby nga tuig human na-feature pa sa managlahing travel magaziens sa tibuok kalibutan. Niadtong Oktuber usab gibutaran sa Conde Nast Traveler ang Siargao isip 5th best island sa Asia.
Nasayran nga karong Disyembre 1, pa ang pagbalik sa mga flights sa Siargao Islands apan ang mga tourista nga muabot Sayak Airport sa maong isla, obligadong magpakita og e-health pass nga adunay valid identification card; negative COVID-19 result nga gihimo sulod sa 48 hours; lima ka adlaw nga confirmed booking sa authorized establishment ingon man round-trip ticket ug mga travel details.
