BUTUAN CITY – Minimal damage lang ang hatud sa magnitude 6 nga linog nga mitay-og sa lungsod sa San Agustin, Surigao del Sur kansa maoy epicenter sa linog kagahapon sa alas-6:37 sa buntag.
Sa eksklusibong pakighinabi sa Bombo Radyo Butuan, gipadayag ni Gerry Avila, hepe sa Municipal Disaster Risk Reduction and Management Office kon MDRRMO sa kasikbit nga lungsod sa Marihatag, nga nabati usab nila ang kusog kaayong linog hinungdan nga nakig-alayon gilayon siya sa iyang counterpart sa maong lungsod og nasuta sa ilang pag-assess nga bugtong ang pader lang sa Santo Nino National High School nga subject for demolition ang nahagba apan walay injured nga natala niini.
Sa ilang lungsod usab, gi-assess niya sa mga upland areas nga duol sa epicenter, nasuta nga usa ka balay sa Sitio Mabog sa Brgy. San Isidro, ang dunay gamay lamang nga damyos ug subay sa ilang assessment moabot lamang sa 5,000-pesos ang kinatibuk-ang damyos.
Gani subay sa pagsusi usab niya sa ubang mga barangay, walay nakita nga mga liki sa kadalanan ingon man na-injured nga mga tao.
Sa pagkakaron, napulo ka mga aftershocks na ang nabati human sa linog kondiin ang pinakakusog natala pasado alas-10:21 kagabii nga mi-abot sa magnitude 3.3 sa lungsod sa Santa Monica
