BUTUAN CITY – Nadugangan na usab og usa ka patay samtang 38 ka mga bag-ong kaso sa COVID-19 ang Caraga Region ning adlawa base na sa migawas nga RT-PCR results kagahapon, Oktubre 7.
Base sa virtual announcement sa Department of Health-Center for Health and Development kon DOH-CHD Caraga, sa maong ihap, 22 niini kon 58-porsiento mga lalaki samtang 16 usab koln 42-porsiento mga babaye ug 58-porsiento sa kinatibuk-ang ihap anaa sa edad nga 11 ngadto sa 40-anyos.
Na-apod ang mga bag-ong kaso sa lungsod sa Magallanes, Agusan del Norte, Tandag City ug Tagbina, Surigao del Sur nga mitala ug tag-usa; 2 ka kaso sa Agusan del Sur nga natala sa mga lungsod sa Prosperidad ug San Francisco nga parehong duna’y tag-usa; 3 ka mga kaso ang natala sa Surigao City nga nabahin sa Brgy. Luna-2 ug usa sa Brgy. Taft.
Pinakadaghan ang natala sa Butuan City nga mi-abot sa 30 ug na-apod sa Brgy. Villa Kananga -11; taglima sa Brgy. San Vicente ug Tagabaca; 3 sa Baan Km. 3; samtang 2 sa Brgy. Dagohoy ug tag-usa sa Bading, Dolongan, Holy Redeemer ug Tandang Sora.
Ang tanang 38 parehong naka-quarantine na, gi-monitor ug gi-atiman na sa gisudlan nilang mga pasilidad samtang ang usa nga nakalas mao ang 63-ayos nga kanhi nakumpirmang COVID-19 positive nga taga-Butuan kinsa duna’y diabetes ug chronic k,idney disease.
Nagpakita siya og simtomas niadtong Septembre 16 sama sa hilanat, ubo ug nawad-an og panglasa rason nga gi-admit pagka-Septembre 25 apan tungod sa komplikasyon, namatay kini pagka-Oktubre 4.
