BUTUAN CITY- Temporaryong gisira sugod ning adlawa hangtod Oktobre 9 ang Surigao del Norte Provincial Capitol Compound lakip ang mga local ug national nga opisina.
Kini base na usab sa gipagawas nga Memorandum Order No. 20-36, Series 2020 nga gipirmahan ni Governor Francisco Matugas diin nakalatid niini ang pagkonsidera sa provincial capitol compound isip Critical Zone tungod sa daghang suspected COVID-19 cases diin usa sa ilang empleyado ang namatay na ug ang uban usab nakasinati na usab og simtpomas sama sa paglisud og ginhawa.
Sulod usab sa 8 ka mga adlaw himoon ang hugot nga dis-infection ug contact tracing.
Samtang giabisohan usab ang tanang mga empleyado sa buhatan nga mo adaptar na lamang sa work from home scheme.
Gi-abisohan usab ang tanang national government offices sama sa Regional Trial Courts,Public Attorney’s office,Provincial ug City Prosecutor’s Office,ug Land Transportation office,nga anaa sulod sa maong buhatan kansa gi-awhag nga e-adaptar usab ang work arrangement nga madawat sa ilang ahensya aron makalikay sa COVID-19 ingon man pag kontrola niini.
