BUTUAN CITY – Wala damha sa usa ka college instructor sa Tandag City, Surigao del Sur nga mag-trending ang iyang pagkahulog sa ka sapa dihang naghatud kini og mga modules alang unta sa gamiton sa iyang mga estudyante alang sa modular learning.
Nasayrang maghatud unta og mga modules ni Moises Palomo, instructor sa St. Theresa College ug residente sa Tandag City ngadto sa iyang mga estudyante apan dihang patabok na siya sapa agi sa tulay nga kawayan, nadakin-as kini rason sa pagkahulog sa mga modules.
Gisulayan pa niya pagkab-ot gikan sa sapa ang maong mga gamit apan nahulog usab siya rason nga human og kuha sa mga butang, milangoy na lamang siya padulong sa daplin.
Nasayrang ang paghatud og mg modules kabahin unta sa advocacy project niining ‘Distance Learning Amidst Pandemic’ apan wala siya magdahom nga madugangan pa og feature ang iyang proyekto tungod sa maong hitabo.
