BUTUAN CITY – Kamulo paghimo ug pagpatuman sa ilang tag-tagsa ka mga lakang ang mga local government units kon LGUs sa Caraga aron pagsanta sa COVID-19 ilabina niadtong nakatala na og mga local tranmission cases.
Usa na niini ang Municipal Intere-Agency Task Force kon MIATF sa San Francisco, Agusan del Sur ngadto Provincial IATF nga ipa-ilalom kini sa Modified Enhanced Community Quarantine aron mapugngan ang pagkuyanap sa COVID-19 human gikumpirma sa Department of Health kon DOH-Caraga nga ang maong lungsod aduna na’y local transmission cases.
Alayon niini, gimanaduan na ni Agusan del Sur Governor Santiago Cane Jr. ang tanang government ug private Institutions sa ilang probinsya nga isuspenso una ang mga meetings ug ang face-to-face interactions kon social gatherings isip parte sa precautionary measures aron mapugngan ang paspas nga pagkuyanap sa COVID-19.
Samtang ipailawom usab sa 14-day mandatory quarantine ang tanang inibidwal nga mosulod sa Marihatag, Surigao del Sur ilabina niadtong gikan sa mga area nga adunay natalang local tramission sa sakit. U
na nang gianunsyo Sabado ni Department of Health Caraga Regional Director Dr. Jose Llacuna Jr. nga aduna nay local transmission cases ang natala sa Buenavista, Remedios T. Romualdez kon RTR, Nasipit, Cabadbaran City, Surigao City ug San Francisco sa Agusan del Sur.
