BUTUAN CITY – Kapin sa usa ka gatus ka mga beach-goers ang nasikop sa ginsakpan sa Butuan City Police Station kon BCPS-3 tungod sa paglapas sa mga health protocols.
Sigon ni PCapt. Emmerson Alipit, commander sa BCPS-3 sa eksklusibong pakighinabi sa Bombo Radyo Butuan, gipangsikop ang nasangpit nga mga indibidwal tungod sa paggawas taliwa nga dili nila eskedyol nga tinggawas base sa dala nilang mga quarantine pass ug wala pag-obserba sa social distancing.
Ang uban usab nagdala pa sa ilang mga anak nga mga minor-de-edad taliwa nga hugot kining gidili rason nga gipangdala sila sa covered court sa Brgy. Bayanihan diin sila gi-lecture aron mas pasabton sa ka-delikado sa ilang gihimo nga posibleng mangamong pa sa ilang mga kabanay nga duna’y taas nga risgong mataptan sa makamatay nga COVID-19.
Dugang pa ni Captain Alipit, tungod sa ilang kadaghan wala na sila isyuhi ug citation ticket, hinuon gikuhaan sila og profile kansa maoy isubmite nila ngadto sa City Legal Office aron kini na ang magdesisyon kung kasuhan ang dili makabayad sa multa nga usa ka libo ka pesos.
