BUTUAN CITY – Gikonsiderang birthday gift sa usa ka senior citizen nga PWD ang nadawat niining aluminum crutches.
Naila ang person-with-dis-ability kon PWD nga si Celso Salsa, 68-anyos, menyu nga taga Purok-7, Barangay Villa Kananga ning siyudad sa Butuan.
Si Salsa naputlan og walang tiil tungod sa diabetes. Gihimo ang operasyon sa may Butuan Medical Center diin gihatagan sila sa doctor og referral nga modalikyat sa Bombo Radyo sa pamasin nga mahatagan og libreng crutches.
Gelayong mianhe sa sibyahan ang iyang anak rasong kaganina gihatud ang crutches og hingpit kining na-angkon sa senior citizen.
Sa pakighinabi ning sibyahan kang Celso, dako ang pasalamat niini sa Bombo Radyo tungod kay dakong tabang ang crutches aron siya subling makalakaw.
Labing gikalipay pa niini tungod kay bag-o pa lang siya nagsaulog sa iyang adlaw nga natawhan kagahapong adlawa.
Nasayran nga ang libreng crutches gikan sa Faith Baptist Church nga gipangunahan ni Pastor Vicente Serrano nga gisalig ning sibyahan aron makatabang sa mga tawong nanginahanglan niini ilabina kadtong wala’y ikapalit ning panahon sa COVID-19 crisis.
