BUTUAN CITY – Padayong naglaum ang pamilya Gasis nga ma-uli na sa Pilipinas ang patay’ng lawas ni Clark Gasis, residente sa Tandag City, Surigao del Sur ug usa sa mga napatay sa pagbusikad nga hatud sa gas leak sa Abu Dhabi sa United Arab Emirates kon UAE ning mi-aging adlaw.
Sigon sa maguwang sa biktimang si Luchie Gasis-Montero, sukad mi-ulbo ang COVID-19 pandemic, naka-work from home si Gasis kinsa usa ka MEP draftsman sa maong nasud og migawas lang niadtong adlawa aron magpa-medical exam alang sa renewal sa iyang work visa.
Sigon ni Luchie, bisan pa man sa ilang pagbangutan, nag-atang gihapon sila sa uban pang updates sa maong panghitabo ilabina ang pagpa-uli sa patay’ng lawas sa iyang manghod.
Na-ilo ni Clark ang iyang asawa ug duha ka mga anak nga atua karon sa Abu Dhabi kondiin ang anak niining lalaki, nagsa-ulog sa iyang adlaw’ng natawhan niadto lang Agusto 29.
