BUTUAN CITY– Padayon gihapong misaka ang kaso sa Covid-19 sa Caraga.
Bag-ohay lang sa dihang gitaho sa Department of Health kon DOH-Caraga nga nakadawat sila og 34 ka RT-PCR confirmatory results gikan sa GeneXpert Reference Laboratory saf Butuan Medical Center og Philippine National Red Cross Manila diin 22 ang negatibo ug 12 ang positibo sa COVID-19 virus.
Ang negative RT-PCR results mao ang mga High-risk Individuals nga positibo sa Rapid Antibody-based Tests, health care workers ug close contacts sa kanhe kumpirmadong kaso. Sa 12 ka positibong kaso, 75% o 9 ang frontliners diin 6 ang makonsiderang local transmission cases, 25% o 3 ang close contacts sa kanhe confirmed local transmission cases, 17% o 2 ang Returning Overseas Filipinos og 8% kon 1 ang health care worker kanhe close contact usab san kanhe kumpirmadong kaso.
Muabot sa67 porseinto o 8 ang nahisakop sa pangedarong 20 ngadto sa 40-anyos; ang pinakabata 25-anyos samtang 50-anyos ang pinakatigulang.
Sa mga nagpositibo, 8 ang lalaki samtang 4 ang babaye. Kini nagsumikad sa mga lugar sa Butuan city; sa Villa Kananga (4); Libertad (3); Baan Km.3 (1); Bancasi (1); Ong Yiu (1); Tiniwisan (1); og Gigaquit, Surigao del Norte (1).
Ang 10 sa mga niini asymptomatic samtang ang nahabiling kaso dunay mild to moderate symptoms. Ang mga asymptomatic cases estriktong gimonitor isip pagsunod sa mga quarantine protocols samtang ang symptomatic patients naka-admit na sa ospital.
Sa kasamtangan ang COVID-19 confirmed positive cases sa Caraga region miabot na sa katibuk-ang 549 diin 367 niini ang nakarekober, 172 ang aktibong kaso og 10 ang napatay.
