BUTUAN CITY – Misaka pa 306 ang COVID-19 confirmed positive cases sa Caraga Region human nadungagan og bag-ong 34. Kini ang gikumpirma ni Dr. Jose R. Llacuna, Jr Regional Director sa DOH-Caraga atol sa online press briefing kagabie.
Sumala niini, sa nadawat nilang 95 ka RT-PCR results gikan Southern Philippines Medical Center (SPMC), ug Northern Mindanao TB Reference Center (NMTBR) sub national laboratories , 61 ang tested negative ug 34 ang nasutang positibo sa virus.
Gilangkuban ang 34 nga mga bag-ong kaso sa (19) ka Locally Stranded Individuals, (4) ka Returning Overseas Filipinos, (2) ka Health Care Workers, (6) usab sa dunay close contacts sa unang confirmed cases ug (3) ka mga bag-ong local transmission.
Nagsumikad ang mga niini sa Butuan City nga dunay (20), Surigao City (3), nakatala usab anbg probinsya sa Agusan del Sur- pinaagi sa mga lungsod niini nga Prosperidad nga dunay (2), ug Veruela (1), nakatala usab ang 6 ka lungsod sa Surigao del Norte-pinaagi sa Alegria ,Placer ,San Francisco ug Tagana-an nga dunay tag-usa , ug tagduha usab sa Del Carmen ug General Luna.
Samtang 27 sa maong mga kaso ang asymptomatic samtang pito and duna lamang mild signs and symptoms.
Sa maong mga bag-ong kaso 18 ang mga babae samtang 16 ang mga lalake kansa kasagari nag-edad 20 hantod 30 anyos.
Gi-admit na og gi-isolate ang mga niini sa nakadaiyang quarantine facilities ning rehiyon alang striktong monitoring and management.
Sa kasamtangan ang Caraga region aduna nay 306 confirmed positive COVID-19 cases diin 180 na usab ang hingpit nang nakarekboer ug na-discharge .
