BUTUAN CITY – Nagpadayon karon ang joint operation sa mga otoridad aron masikop ang mga responsable sa brutal nga pagpatay sa mga rebeldeng New People’s Army kon NPA sa laing duha ka mga inosenteng sibilyan sa Sitio Tabasngan, Brgy. Mat-i, Surigao City, ning mi-aging adlaw.
Na-ila ang mga biktimang sila Jandi Limbona, 23 anyos , mag-uuma, ug Noel Estampa, 49 anyos, barangay tanod ug parehong residente sa nasangpit nga lugar.
Nasuta sa imbestigasyon nga ang mga biktima uban ang laing lima nila ka mga ka-ubanan, midalikyat sa bukid aron unta manggabas dihang giduol sa mga armadong miembro sa NPA ug gipa-arakan bandang alas 10 sa buntag.
Naka-angkon og samad-pinusilan ang duha sa nagkada-iyang parte sa lawas resulta sa ilang kamatayon samtang ang kaubanan nila daling nanibat human gimandoan sa mga walhong grupo.
