BUTUAN CITY – Padayon karon ang ikatulong hugna sa pagpanghatag og bugas ngadto sa tanang pamilya sa lungsod sa Buenavista, Agusan Del Norte isip ayuda tungod gihapon sa nagtunhay nga COVID-19 pandemic.
Sigon ni Elmer Maboloc, municipal administrator sa maong lungsod, target nilang matapos ang pag-apod-apod sa bugas sulod sa unom ka adlaw kondiin gisugdan kini sa Barangay Uno ngadto sa singko samtang kagahapon sa Barangay sais ngadto sa dies lakip na ang Abilan.
Sumala pa ni Maboloc, ang benispisyaryo nga siya lang usa o walay pamilya, makadawat og 10-kilos samtang ang magti-ayon apan walay anak kon duha lang sila kabook makadawat usab og 15 kilos ug 20 kilos ang mas daghan pa.
Pagbutyag pa sa opisyal, plastar na ang tanan adiser gipatuman ang 3rd wave diin e-drop lang nila sa purok o kaha sa barangay covered court ang bugas og ang mga barangay opisyales na ang mag-hatag og schedule sa mga residente niini aron sa ingon dili magdasok hinoon masunod ang social distancing.
Samtang gipahayag usab ni Maboloc nga lakip sa ilang hatagan ang mga trabahante nga wala na makauli sa ilang lugar human na-abtan sa quarantine.
Mihangyu na lang opisyal sa katawhan sa lungsod nga tumanon ang social distancing og pagsoot sa facemask dayung awhag sa wala makadawat nga modool sa opisina sa mayor.
