BUTUAN CITY – Igo na lang sa pagdangoyngoy ang kabanay sa usa ka 10-anyos nga bata human nga wala na kini maluwas pa, dihang aksidenteng nahikog sa iyang gidulaang pisi.
Naila ang biktimang si Zian Daniel Gardiola, grade 5 pupil nga residente sa Purok 1-B, Brgy. Upper Tagabaca ning siyudad sa Butuan. Migawas sa inisyal nga report nga na-andan matud pa sa biktima nga magdala-dala og pisi nga iyang duwaan tungod kay ganahan kining magpaduwa-duwa isip hiniktang hayop.
Wala matud pa kini kaduwa ug napalgan na lang nga nagbitay na sa punuan sa macopa rason nga gitu-uhang mikatkat kini sa maong punuan og nadakin-as rason sa iyang pagkahikog.
Bisan pa man, gipa-otopsiya pa gihapon ang patay’ng lawas niini aron masuta kung wala ba’y foul play sa iyang pagkamatay.
