BUTUAN CITY – Mismong si Dr. Odelio Ferrer, provincial health officer sa Agusan del Norte ingon man chief sa Agusan del Norte Provincial Hospital, ang midawat sa kinarton nga face masks ug face shields nga gidonar ni Presidential Communications Operations Office kon PCOO Sec. Martin Andanar.
Dako ang pagpasalamat ni Dr. Ferrer ngadto sa kalihim tungod kay nangabot nga mga face masks ug face shields mao matud pa’y pruweba nga wala’y borders, ug ang gobyerno nakighi-usa sa mga health workers ug sa katawhan diha sa pakigbatuk sa usa ka common nga kaaway.
Aminado si Dr. Ferrer, nga dakong hagit kanila karon ang limitadong ihap lang sa ilang mga frontliners, ilabina ng dugang mga locally stranded individuals kon LSIs ug mga returning overseas Filipinos kon ROFs ang nangabot ning rehiyon.
