BUTUAN CITY – Nag-atubang sa kasong paglapas sa Republic Act No. 9165 o Comprehensive Dangerous Drug Act of 2002 ang duha ka tigpayuhot og ginadiling druga human nasikop sa buy bust operation.
Unang nadakpan si Alwyn Astronomo Jr, 32-anyos, sa iyang panimalay sa Brgy. Pulang Lupa, Trento, Agusan del Sur bandang alas 7:30 sa gabii human napalitan og 5 gramos nga gitoohang shabu sa police officer nga nagsilbing poseur buyer nga dunay Dangerous Drug Board value nga 59-mil pesos.
Samtang ang ikaduhang drug buy bust operation gilusad sa Brgy Mangagoy, Bislig City, Surigao del Sur nga miresulta sa pagkasikop ni Darwin Lopezon, 44-anyos, residente sa Brgy. Tabon, Bislig City.
Nakumpiska sa kapulisan ang upat ka sachets sa gitu -uhang shabu nga dunay gibana-banang kantidad nga 5-mil pesos.
Ang nasangpit nga mga drug pushers gipailalom sa surveillance sa pipila ka semana.
Alayon niini gipasalamat ni PNP Caraga director Brigadier General Joselito Esquivel, Jr. ang kapulisan sa ilang wala’y pu-as nga pakig-away batuk sa illegal nga druga bisan paman sa hulgang dala sa coronavirus disease 2019 kon Covid-19.
Gihangyu usab niini ang katawhan nga tabangan ang kapulisan pinaagi sa paghatag og impormasyon mahitungod sa illegal nga mga kalihukang ilang mamatikdan.
