BUTUAN CITY – Nakatala og 24 ka suspect cases sa COVID-19 ang Caraga Region subay sa padayon nilang monitoring sa makamatay nga coronavirus.
Base sa COVID-19 situational report no. 70 sa Department of Health kon DOH-Caraga, duha niini anaa sa Agusan del Norte ug Bayugan City sa Agusan del Sur, usa sa Cabadbaran City, 13 sa Butuan City, duna’y duha sa Bayugan City, samtang tag-usa ang mga lalawigan sa Agusan del Sur ug Surigao del Norte, samtang duha sa Tandag City ug tag-usa sa Surigao del Sur ug Bislig City sa maong lalawigan.
Sa kasamtangan ang rehiyon duna na’y tulo ka mga kumpirmadong kaso sa COVID-19 nga parehong ania sa Butuan City.
Usa kanila ang nakarekober ug na-discharge na samtang usa ang na-admit pa sa Caraga Regional Hospital sa Surigao City ug usa ang gipa-ilallom sa istriktong home quarantine.
Gawas niana, nakatala na usab ang DOH Caraga og 14 ka mga negatibong laboratory results sa COVID-19.
