BUTUAN CITY – Gipa-ilalom na sa post mortem examination ang patay’ng lawas sa usa ka aktibong CAFGU Active Auxiliary kon CAA member kinsa brutal nga gipatay atubangan sa iyang pamilya didto sa Sitio Lamesa, Brgy. Carromata, lungsod sa San Miguel, Surigao del Sur ning mi-aging alas-sais sa gabii.
Naila ang biktimang si Wilson Behing, naka-duty sa Bitaugan Patrol Base, sa Brgy Bitaugan,sakop sa maong lungsod kinsa gipatay matud pa sa mga rebeldle nga gipangunahan ni Arnel Banguis alyas Ka Dindo sa Sentro De Gravidad kon SDG-21, North Eastern Mindanao Regional Committee (NEMRC) pinaagi sa pagpusil kaniya sa managlaing parte sa iyang kalawasan samtang naghinlo sa iyang umahan duol sa iyang pinuy-anan.
Sigon ni Brigadier General Maurito Licudine, commander sa 402nd Brigade, Philippine Army, gipatay ang biktima atubangan mismo sa asawa niini ug ilang mga anak kaondiin gawas sa mga igo sa bala diha sa iyang nawong ug ubang parte sa lawas, naka-angkon pa siya og mga samad-tinigbasan hinungdan sa iyang hinanaling kamatayon.
Mahinumdumang niadtong Marso 31, gipatay usab matud pa sa mga rebelde ang lider sa mga mag-uumang si Nora Apique, sa Brgy Patong, kinsa daan nang gipalagan sa mga rebelde tungod sa pagtabang matud pa niini ngadto sa mga mag-uuma sa maong lalawigan nga mu-avail mga programa sa gobyerno aran mapala,mbo ang ilang produksyon og estado sa kinabuhi.
