BUTUAN CITY – Gi-andam na ang mga kasong ipasaka sa kapulisan batuk sa usa ka Filipina doctor ug 3 mga foreign nationals human nasapong nag-surfing sa Brgy Pacifico sa lungsod sa San Isidro, Siargao Island, lalawigan sa Surigao del Norte taliwa sa gipatumang localized community quarantine nga hatud sa coronavirus disease 2019 (COVID-19).
Sa interview sa Bombo Radyo Butuan, gi-ila ni Pol. Maj Renel Serrano – tigpamaba sa Police Regional Office 13 ang mga nadakpang sila Sergio Bango, 37-anyos, isang Spanish national; Remi Weniger, 44-anyos; ug Kiser Luca, 37 anyos, parehong mga Swiss nationals ug Mica Libre Masbad, 27-anyos, usa ka Pinay doctor.
Sigon ni Maj. Serrano mipalag matud pa ang mga barangay officials ug ang mga residente sa maong lugar sa gihimo sa mga suspek taliwa nga ang mga residente anaa lang sa ilang balay rason sa pagtawag nila og police assistance.
Mag-atubang ang mga suspek og kasong paglapas sa RA 11332 o An Act Providing Policies and Prescribing Procedures on Surveillance and Response to Notifiable Diseases, Epidemics, and Health Events of Public Health Concern, and Appropriating Funds.
Gikostudiya na sila sa San Isidro Municipal Station ug makagawas lang kung makapyansa.
