Butuan City – Mga kasong paglapas sa Section 5 in relation to Section 26, Section 11, Article II of R.A. No. 9165 kon mas nailang Comprehensive Dangerous Drugs Act of 2002 ang gipasaka sa Butuan City Police Office pinaagi sa inquest proceedings batuk sa tulo ka mga sa drug personalities nga nadakpan sa gilusad nga managlahing anti-illegal drug operations kaganinang sayo sa buntag nga miresulta sa pagkakumpiska sa kapin usa ka milyon ka pesos nga kantidad sa suspected shabu.
.
Unang naaresto sila Alfie Balmocena Limjuco alias ‘Alfie’, 39-anyos ug Louie Salon Perez, 40, residente sa Purok 7, Brgy Limaha, ning siyudad kinsa nagkuntsabahay sa pagbaligya og illegal drugs.
Nakumpiska sa mga operatiba ng Butuan City Police Station 2 ang pito ka gagmay’ng heat-sealed sachets sa suspected shabu nga duna’y timbang nga usa ka gramo ug nagkantidad og P 6,800, P1, 000 nga marked money ug uban pang mga personal nga gamit apil na ang cash money nga P22, 270..00.
Sigon ni PCol Canilo Agua Fuentes, director sa Butuan City Police Office, parehong gitudlo nila Limjuco ug Perez ang source sa illegal drugs nga misangpot sa pagkasikop ni Linlou Celocia Jumao-as, alias ‘Kolot’, 34-anyos sa gihimong follow up buy-bust operation kaganinang alas-6:30 saa buntag sa Purok 13 Mangosten, Brgy. San Vicente, ning siyudad.
Nakumpiska gikan kang Jumao-as ang dagkong heat-sealed sachets sa suspected ‘shabu’ nga duna’y timbang nga 100 grams kansa nagkantidad og P1.8M apil na ang marked money nga P500 ug mga personal nga gamit.
