BUTUAN CITY – Giklaro ni Senador Francisco ‘Kiko’ Pangilinan nga pagpang-harass ang gihimo sa gobyerno ngadto sa mga kritiko niini sama sa dakong TV network nga ABS-CBN Corporation.
Sa eksklusibong pakighinabi sa Bombo Radyo Butuan, gipadayag sa senador nga taliwa sa mga gisagubang nga epidemya karon sa nasud diha sa hisgutanang panglawas sa tawo ug manananap nga mugna sa hulga sa 2019 Novel coronavirus kon nCOV ug African Swine Fever kon ASF, mas gi-una pa ang pagpasaka og mga kaso sa mga nag-unang kritiko sa gobyerno ug pagpasira sa higanteng media entity.
Sigon sa magbabalaud, maayo lang matud pa sa pagpang-harass sa mga kritiko niini ang gobyerno apan ya-ya sa pag-aksyon sa init nga mga panghitabo karon sa nasud sama sa pag-ban sa mga Chinese nga makasulod sa nasud , pagpakgang ingon man pagpangita sa posibleng carrier sa 2019 nCOV dinhi sa nasud.
Alang kang Senador Pangilinan, pag-atake usab sa ‘freedom of expression’ ang pagpasang-at og quo warranto petition aron ipawalay bili ang legislative franchises sa ABS-CBN Corporation ug ilang subsidiary, butang nga angayang hatagan og pagtagad.
Gipadayag usab sa magbabalaud nga dapat sa Kongreso dalhon ug dili sa Supreme Court ang reklamo batuk sa nasangpit nga media giant alang nga pag-renew sa ilang prangkisa kung angayan ba kining apbrobahan o dili.
Samtang gikwestyon usab sa Senador ang ka-andam sa gobyerno ilabina ang Department of Health (DOH) tungod kay kulang matod pa ang impormasyon kabahin sa paghatag og saktong ihap sa mga natalang kaso sa makamatay nga NcoV ingon sa mga Persons Under Investigation (PUIs) ug daw nag-relax relax lang ang mga gitahasan niini.
Gibirahan usab sa magbabalaud ang langay nga pagpatuman sa total ban tungod kay mas gi-una pa ang interest sa mga Chinese inay huna-hunaon nga kaluwasan sa mga Pilipino.
