BUTUAN CITY – Mikutlo sa kinabuhi sa usa ka Spanish national ang gikasang buy bust operation sa Barangay 3, General Luna, Surigao del Norte kagahapon sa buntag.
Kini human unang mipabuto sa iyang armas ang drug suspect nga si Diego Lapuente, nga top 1 PRO13 target list sa Regional Drug Personality ug High Value Target. Sigon ni PBGEN JOSELITO T ESQUIVEL, JR, PRO13 Director, gihimo ang buy-bust operation ala1:50 sa buntag pinaagi sa General Luna police, Surigao del Norte Police Provincial Office, 1302 Mobile Company sa Regional Mobile Force Battalion og Philippine Drug Enforcement Agency sa Surigao del Norte.
Sa dihang nabantayan ni Lapuente nga pulis ang iyang katransaksiyun, mibunot kini sa iyang dalang pistola og mipabuto rasong mibalos ang kapulisan.
Gidala pa ang Suspect sa Siargao Island District Hospital apan gideklarang dead on arrival sa attending physician, nga si Dr Elizabeth Gio.
Nakumpiska sa otoridad gikan sa posisyon sa suspetsado ang 10 gramos nga cocaine, 30-mil pesos nga marked money og kalibre .45 nga pistola.
