-- ADVERTISEMENT --
BUTUAN CITY – Nagpadayon karon ang search and rescue operation sa mga sakop sa Command Center sa Gingoog City Disaster Risk Reduction and Management Center kon DRRMC alang sa tulo ka mga mountain climbers nga upat ka adlaw nang na-missing human gisaka ang Mt. Balatukan trails, sa lungsod sa Balingasag, Misamis Oriental.
Na-ila ang mga na-missing nga sila Raine Kassiopeia Fama, 12-anyos; Dan Dave del Rosario, 18-anyos ug Christian Daryl Tapiru, 28-anyos, minyo, pulos residente sa lungsod sa Nasipit, Agusan Del Norte.
Nasayrang uban nilang misaka sa maong bukid ang taga-Butuan apan wala pa makakanaog ang tulo sukad nakasinati og dili maayong lakat sa panahon ang nasangpit nga bukid.
