BUTUAN CITY – Gisuspinde na ang biyahe sa mga gagmay nga sakyanang pandagat sa Surigao Area tungod sa daot nga panahon.
Sa gipagawas nga Gale Warning Advisory sa Philippine Coastguard kon PCG- Surigao Del Norte kaganinang alas 5:00 sa buntag, gisuspinde na ang tanang sakyanang pandagat nga 25 Gross Tonnage paubos tungod sa kusog nga hangin nga dala sa Northeast Monsoon og Bagyong Tisoy.
Samtang ang ubang mga sakayang pandagat gi-awhag nga magpatuman og precautionary measure ugaling mo-agi sa eastern seaboard sa Visayas og Mindanao diin sakop ang Camarines Provinces, Catanduanes, Eastern coast sa Albay, eastern coast sa Sorsogon, eastern coast sa Quezon lakip na ang Polilo Island, Samar provinces, Leyter, eastern coast sa Surigao provinces, Davao Oriental, Dinagat Island og Siargao.
Mamahimong mabalik lang ang biyahe sa mga nasuspindeng sakyanang pandagat ugaling momaayu na ang kondisyun sa panahon sa nasangpit nga mga lugar.
Samtang mamahimo usab nga mopasilong ang mga sakyanang pandagat basta dunay written request og walay sakay nga pasahero og cargo.
