BUTUAN CITY – Nadakpan na sa kapulisan ang driver sa motorsiklong naka-hit-and-run sa 80-anyos nga lolang si Victoria Abella, biyuda ug residente sa P urok 3, Brgy, Mat-i, Las Nieves, Agusan del Norte nga miresulta sa iyang kamatayon.
Sa eksklusibong pakighinabi sa Bombo Radyo Butuan, gi-ila ni Butuan City Police Office kon BCPO spokesman PCaptain Emmerson Alipit ang suspek nga si Nestor Perez, 41-anyos, minyo ug residente sa Purok 7, Brgy. Bonifacio sa susamang lungsod.
Kini human nila nasubay gikan sa unang tag-iya niini nga nabaligya na ngadto sa maong pastor ang nasangpit nga motorsiklo kinsa unan nang na-ilhan ang dagway base hulagway nga kuha sa motoristang nagsunod sa maong motorsiklo, nga duna’y plaka numero MT 20442. .
Sigon ni Captain Alipit, sa sinugdanan, milimod pa ang pastor pag-angkon nga siya ang responsable sa maong hitabo apan dihang nagkalawom ang pagsusi motorsiklo nga nasutang duna’y garas nga nadugangan pa sa panggos nga na-angkon sa suspek, dinhi na siya mi-angkon sa maong kremin.
Inisyal matud pang nasabutan sa duha ka panig nga duna’y himuong amicable settlement sa ingon dili na mapasakaan pa og kaso ang pastor.
Nasayrang inisyal nang nahatagan ni Pastor Perez og 50-mil pesos nga salaping cash ang pamilya sa biktima aron duna’y magamit alang sa paghaya sa iyang patay’ng lawas.
