BUTUAN CITY – Naputos sa kontrobersiya ang online shopping store nga Amazon sa India human nga nabulabog ang gibaligya niining virginity pills nga tumong nga ma-fake ang virginity kon kaputli sa usa ka babaye atol sa wedding night o honeymoon.
Gitawag ang kontrobersyal nga produkto nga “i-virgin” nga dunay sulod nga gamay’ng kapsula nga puno sa “blood-powder” nga kaya matod pang musundog sa dugo sa tawo.
Kinahanglan lang kining isulod sa kinatawo sa babaye pipila ka oras adiser ang pakighilawas aron patuohon ang ilang bana nga sila berhin pa.
Gika-ingong ang gibutang nga “high quality blood” kayang ma-dissolve ug walay mahatod nga kadaut sa lawas sa mugamit niini.
Tungod niini gi-akusahan ang Amazon India nga nagkunsinte matod pa sa premarital sex kansa hugot nga gidili sa tradisyon sa India.
Nasayran nga dunay mga estado sa India nga ang pagpasar sa virginity checks makonsiderang life-or-death situation, diin ang mga kabanay sa lalaki mususi sa bed sheets nga gigamit sa newlyweds’ humansa ilang unang gabiing pakig-sex isip magtiayon.
Higayong mapakyas ang bride, kinahanglan nga mubayad ang pamilya niini o kaha silotan ang babae sama sa paglakaw sa init nga embers o ilublob ilawom sa tubig.
Nasaryan nga namaligya usab og susamang produkto ang German company nga VirginiaCare samtang duna’y usa’y virginity-faking capsules sa Chinese mega store nga Alibaba.
Gibaligya ang i-virgin capsules sa India sa kantidad nga 3,600 rupees o $50 matag pakite, apan sa pagkutlo ning balita ang kontrobersyal nga produkto hingpit ng gi-ban sa nasangpit nga online store.
