BUTUAN CITY – Gihagit ni Iloilo Rep. Janette Garin ang Department of Health (DOH) nga mahimaong proactive sa kampanya batuk sa dengue human nataho ang unang kaso sa transmittal sa dengue pinaagi sa pakighilawas. Bisan og nangkinahanglan pa og mas lawom nga pagtuon sa bag-ong modalities sa maong dengue virus, gipamugos ni Garin nga kinahanglang bukas ang DOH sa mga isulti sa mga eksperto kalabot niini.
Mahinumdumang gi-anunsyo sa public health department sa Spain ang unang kaso sa sexual transmission sa dengue virus sa Madrid. Sigon sa European Centre for Disease Prevention and Control (ECDC) – ang nag-monitor sa maong mga sakit sa Europe, ang nasangpit nga kaso mao ang pinaka-unang sexual transmission sa dengue virus sa kalalakin-ang nakighilawas sa susamang lalaki.
Samtang gibarugan usab sa World Health Organization (WHO) nga mamahimo lang makabaton og dengue ang usa ka tawo pinaagi sa pina-akan sa lamok nga Aedes aegypti. Taliwa sa managlahing posisyon sa mga international health organizations, gibarugan ni Garin nga kinahangang seryusuhon ang bag-ong transmission mode samtang nagpadayon pa ang pagtuon sa mga eksperto kalabot niini.
ang bag-ong transmission mode samtang nagpadayon pa ang pagtuon sa mga eksperto kalabot niini.
